ياد مسجد سليمون

كاش كه يه سال خشي شو به منه فصل بهار خم و خت يك بگيريم و بزنيم وايك زار

بگشيم حور دل ور منه خورجين دلت گله از بخت به خو رهد ه بكرديم بسيار

مسليمون بي وشادي بي و د نيا ز خمون غم نیترست بیا چون اگوشیمس سر دار

ياد نمره يك و چه نفتي و بازار بخير كارد خورام سي دره خرسون كه چينووابي خوار

نمره هشت و بي بيان كلگه بالا و پايين بنه شيخ مندني . تمبي كه اگوي بي گلزار

پشت كو نمره چل وتيت و متو لس سر يك دو سه ره داشت ار اخواستي بروي تا بازار

كمپ كرسنت چنو خو بي زه هو بهتر اسكاچ باغ ملي چنو باغ داشت زياد تز زه هزار

پشت برج تا منه نفتون ا نهاديم وا دو سينما ار كه خوا ستيم بريم با خمكار

سر پل دك دكو تا پا به نهادي وارو حونه و وارگه مادام منه ريت ويد به ديار

سي برنج و دره جند يني و اشكفت بگو پنج و هشت بنگله. ما ل شنبه كه پر بي زه مار

باشگاه و سر كوره ها جور گوه جفت يكن بنه مال جونكي چس بي كه چينو وابي تار

ريل ويل نفتك . و چار بيشه و چشمعلي بي باغ و انبار خوراكي همنه خت بشمار

نره از وير تو سر مسجد و اثار قديم برد نشو ند ه كه اگو ي دار بلند ه به بهار

هي هي جوش ازنه اف تري و نيد ه امون ليو ه وا بيد ه يا كه اگو ي وا بي هار

ا فرنبي و گراج كارگر و كارمند و رييس تا كه كمپا ني ازيد شيت همه بيد ن هو شيار

شيت اول كه ازيد پاك همه جستن زه خو شيت دوم منه ما شين شيت سوم سر كار

امپيابا سكلاا صندوقي شيك و درست        ماخزت بام مر اگوي همه بيدن تيمسار

شاه نشين شاه انشست كر بگو گشته وا كي    يا قلي يا فتح علي يا كر تاتم نومدار

كجه زهد او همه يكرنگي ومخلوق درست     نکنه همه کردن یه شووه هونه ببار    

اسب نو زين جووني زترات وست وزدو        برف پيري به شتاو ويدو نشوندم به كنار

چه كنم كاوه نوابي گپ و ترسم ميرم        كاويان چه بگم كه نه به باره نه به دار

شرمسار خوس وداسم و دونم ني بو        بخت و اقبال به خو رهده كه وابو بيدار

                        مراد زماني (عاشق بختياري )